شنت الممثلة سهى قيقانو هجوماً عنيفاً على الاعلامية كارلا حداد التي بدورها أطلقت سهامها النارية على قيقانو.
وفي التفاصيل، بدأت قيقانو هجومها قائلة: “دخلكون كل فنانة ممثلة مذيعة اعلامية مطلقة بتنشعط وبتهبلا؟ لازم تشدو حالكون لو حظكون تعتير… اذا مذيعة deja هبلة وتطلقت وانجدبت يزيادة شو منقلا؟ Nauseated face المذيعة المشحوطة من الـmtv”، لترد عليها كارلا “انت ردي المصاري يلي بدن ياها منك العالم يا وسخة يا بلا اخلاق”.
وتابعت كارلا في سلسلة تغريدات على “تويتر”: “أنا كان عندي قناعة إنّو ما لازم ولا مرّة ردّ أو إنزل لمستوى ما بليق فيّي، بس سكوتي تُرْجِم بالضّعف وسمح لأهل الباطل يتوهّموا إنّن على حق. بسمح لحالي إنزل لمستوى وردّ على شنعاء كنت إشفق عليها قد ما بيحكوا عنها بالعاطل. قالت أنا مشحوطة من ال.أم.تي.في. و أنا ح ردّ عليها و قول: مع إنو الموضوع صار قديم بس أوّل مرّة بحكي فيه: أنا تركت المحطّة بعد ما عرضت عليي برنامج مع ماريو باسيل إسمه “حبّك نار” ما كان بيرضي طموحي خاصة بعد ٣ سنين من إنتظار موسم جديد من “رقص النجوم”، ولأمور كتيرة بتحفّظ عن ذكرها… والمعنيين بيعرفوها كتير منيح”.
وتابعت كارلا: “الشنعاء قالت إني هبلة، أكيد هبلة بالمواضيع يلي هيّ، حسب ما بسمع عنها، ضليعة فين (ما قصّر فيها مروان نجار) وطلعت هي مشحوطة من أكتر من مكان لعدم دفعها أموال مُستحقّة. وما بعرف ليه عم تنعتني بالمطلّقة. أنا طليقة حرّة من أفكارك الوسخة و مستواك الرخيص”.
وختمت “وبعتذر عم بحكي بموضوع سخيف، و في مواضيع معيشيّة ومصيريّة عم بعيشها شعبي و بلدي الحبيب لبنان. حقكم علي”.
أنا كان عندي قناعة إنّو ما لازم ولا مرّة ردّ أو إنزل لمستوى ما بليق فيّي، بس سكوتي تُرْجِم بالضّعف و سمح لأهل الباطل يتوهّموا إنّن على حق. بسمح لحالي إنزل لمستوى و ردّ على شنعاء كنت إشفق عليها قد ما بيحكوا عنها بالعاطل. قالت أنا مشحوطة من ال.أم.تي.في. و أنا ح ردّ عليها و قول:
— Carla Haddad (@CarlaHad) June 14, 2020
اشترك و أضف بريدك لتلقي الأخبار
طباعة المقال
ارسل إلى صديق
اضافة إلى المفضلة
حفظ الموضوع