أشعلت الفنانة زينة مواقع التواصل الاجتماعي بعدما نشرت عبر خاصية القصص المصورة الملحقة بحسابها الشخصي على «انستغرام» عدة صور توجه فيها رسالة إلى جمهورها، حيث قالت: «يا ريت لما نصحى الصبح نبعت للناس صباح الخير الأول، وبعد نص ساعة نبعت الأخبار السلبية اللي بتتعب الأعصاب، إحنا مش ناقصين.. جيل تعبان، بنخلص من كوارث بنلاقي وباء.. ربنا يستر علينا وعلى أولادنا».
كذلك نشرت صورة لوالدها الراحل ووجهت له رسالة مؤثرة، قالت فيها: «من كتر ما أنا بحبك نفسي أعاتبك أني بقالي 12 سنة ماشفتكش، وكأنه بايدك يا أبويا، استغفر الله العظيم اللهم لا اعتراض.. أنت ارتحت وأنا اللي بموت كل يوم من غيرك يا بابا».
وأضافت: «أنت أكيد مبسوط بس أنا لا، المهم راحتك، بس وحشتني اوي، ومفيش طعم لحاجه من غيرك، الله يرحمك ويعفو عنك في الجنة ونعيمها، ويارب يكون بيوصلك سلامي ودعائي، وتكون عارف ان زي ما أنت عشت علشاني أنا واخواتي ومتغرب وشقيان علشان تعيشنا كويس.. احنا كمان عايشين علشانك دلوقتي، اخواتي احلى ذكري من ريحتك وصلبك يا غالي.. ارجو منكم الدعاء بالرحمة والمغفرة لأغلى مخلوق في قلبي وعقلي أبويا، ويرحم كل أب يا رب».
اشترك و أضف بريدك لتلقي الأخبار
طباعة المقال
ارسل إلى صديق
اضافة إلى المفضلة
حفظ الموضوع