القاهرة - خلود أبوالمجد
تحدثت الفنانة يسرا عن بداياتها الفنية، مؤكدة أن مشوارها لم يكن سهلا وتخللته محطات من الفشل، بجانب حديثها عن أصدقائها، وقالت: «أنا رحلتي مكانتش سهلة وفيها صعوبات ونجاحات وفشل وثغرات وصعود وهبوط كتير أوي، وأنا سعيدة بالنتاج الأخير اللي أنا فيه النهارده لأني حاسة إني مشقتش على الفاضي، بالعكس الحمد لله ربنا بيديني حب واحترام وشغل ونجاحات ومحبة الناس ودي أهم حاجة، وأكيد كل واحد عارف مكانته فين».
وأضافت يسرا، خلال حلولها ضيفة على برنامج «يلا نحكي» الذي تقدمه الإعلامية جومانا بوعيد على قناة «LBC»: «مش كل الناس هتحبك ومش كل الناس هتكرهك، وهتلاقي أصدقاء بيحبوكي وبيدافعوا عنك مدى الحياة، وتبقي محظوظة لو عندك نوع الأصدقاء ده وغنية بيهم، لأن الصداقة الحقيقية ضهر وسند وأنتي اللي بتختاريه مش مفروض عليكي، وأنا غنية بصحابي وبمساندتهم ليا وأنا بحبهم أوي، ودول الأسرة الكبيرة بتاعتي وحياتي لأني عشت معاهم أكتر ما عشت في البيت، مقدرش أشوف أخت أو صديقة أو زميلة ليا محتاجاني ومقدرش ماروحش لها، وإلهام شاهين زيي ويمكن أكتر مني بكتير، وهي عندها شهامة غير عادية».
وأكدت الفنانة يسرا أنها لم تندم على خسارة أي شخص في حياتها، قائلة: «أنا خسرت من لا يستحقني، وأنا مش متضايقة خالص وأكيد هما اللي خسروني، وهما خسروني لأني كنت مخلصة ونعم الأخت والصديقة، إنك تخسريني وأنتي عايزة تخسريني تبقى مشكلتك مش مشكلتي، أنا بزعل لكن بعد شوية بقول الحمد لله يا رب أنا مش تعبانة، ولكن مبرجعهمش زي الأول لأن المؤمن لا يلدغ من جحر مرتين».
اشترك و أضف بريدك لتلقي الأخبار
طباعة المقال
ارسل إلى صديق
اضافة إلى المفضلة
حفظ الموضوع
